Friday, June 21, 2013

好玄﹣同達仔嘅第一次相遇

一路都以為,同達仔嘅緣份始於我經常去嘅一個偏僻地方,如果大家有睇開呢個blog嘅都知,果度有幾隻貓,達仔最叻搶野食,係果度嘅大阿哥。。。



但我噚日執舊相,見到呢張  

我第一次去果個“偏僻地方”係10年11月,而呢張相時間係09年9月,我啱啱搬嚟西環,睇返D相,果日係鬼節,我走左去某公園影相,影到呢隻貓。

從佢眼神,身體比例,坐姿,鼻上面個反光位同耳朵形狀,我好肯定佢係達仔,因為之後我都見過達仔喺呢度出現,佢識行山路過嚟呢度等餵貓阿姐餵食,而捉佢去絕育果個阿姐亦係喺呢度捉佢嘅。。。

但最令我介懷嘅係,佢當時未閹架,未剪耳呢,樣亦都細個D,似啱啱做成貓咁樣咋,如果係咁,可能佢係09年頭出世,而家都未夠5歲~


緣份嘅野果然好奇妙

9 意見:

Cat said...

放多張依家既達仔黎對照下??

卡臣 said...

緣份前世定

l.minor said...

我知你E度邊度黎,有次行過我都望咗陣,不過日頭都好少人

naruto said...

Cat:無呢個坐pose喎,影到先補返啦

卡臣:前世幫過我頂啦

l.minor:係架

ayclui said...

我話係大叔你前世欠咗達仔就真...今世還呀~ ^^

naruto said...

ayclui:
我覺得佢下世應該還返比我囉

Tat said...

你講到的介懷,係覺得如果你早接達仔返屋企,佢唔使剪咗隻耳仔同做埋公公?

naruto said...

Tat:因為之後聽聞佢比狗咬,耳仔爛哂(而家都有一忽無毛架),取仔入面又惹到菌,而家概根治唔到,條腸又食壞左囉

Anonymous said...

咁達仔果一邊耳仔聽唔聽到野架?會唔會弱D?

Cat

Related Posts Plugin for WordPress, Blogger...