Sunday, April 28, 2013

機會一瞬即逝了

上星期,一位舊同事打嚟,話某機構需要一位義工攝影師,隨團到某落後國家做拍攝工作,問我有無興趣。。。

我打左個突,因為拎攝影做工作始終真係信心不足,但我只係問左要去幾耐等資料。。。

轉頭佢send左資料嚟,要去兩星期;機構原來係甚慈善大機構,仲有個明星隨團。。。

我更“劣”

1/自己攝影“架生”不足,拎出去驚比人覺得唔pro
2/自己果段時期都唔係話走就走到架
3/我捱唔捱得住呢?大家都知我潺潺地
4/衛生同政局我完全唔曉,係咪安全架呢?
5/兩星期喎,達仔點算呀?

但,我想去,始終呢D機會唔係人人有得去,所以答佢有興趣,叫機構接頭人聯絡傾細節

星期三,佢打嚟,傾得清清楚楚
1/佢唔理“架生”,只求有靚相
2/時間縮為8日
3/衛生其實OK嘅,有酒店住,但只可以話有熱水沖涼兼衛生嘅食物
4/我唔需要出任何錢,酒店機票食物交通visa佢地負責

佢需要星期日前confirm,我話兩日內答覆。。。

當晚,我仲係嚴重好嚴重信也不足,打比攝影師朋友,問佢覺得我其實夠唔夠料做呢個job,佢答案係夠有突

再打比(幾個)相熟朋友問,答案都係一樣

又打比(兩個)朋友,佢地肯上門餵達仔;OK,我決定去;仲決定用呢一個月狂跑步練返條氣,唔要做包袱

星期四,要陪阿媽覆診,諗住星期五先覆人

星期四晚,佢打嚟話用開個攝影師突然趕到呢個trip,所以今次合作唔成;我已經好大體咁留後路話:我見你打嚟,本來想答我OK架,但下次有機會再合作啦

但真係失落左一晚囉,唯有再準備好自己,等機會再嚟啦

12 意見:

卡臣 said...

你夠資格有突啦
下次囉一於

naruto said...

卡臣:
始終到呢個位就壓力大,要D時間

Cat said...

唯有再準備好自己,等機會再嚟啦------>放心喎,你運氣不嬲都好,實會再有機會。

新鮮人 said...

凡事都有第一次,
無人能為每一個新挑戰有十足預備,
要對自己有信心,
相信自己的能力。

Anonymous said...

「機會只留俾有準備嘅人。」我好相信呢句話。
今次 miss 咗,係信心不足,同埋機會來得太突然,未及把握啫,影相技術同實力你都有夠有凸。
有朋友幫你照顧達仔固然好,但你會唔會考慮寵物酒店呢?
另外,鍛煉身體唔係一時三刻就有效果,尤其是你「戰績」彪炳,更加要長期鍛煉先至開始見到明顯效果。努力呀!
BLACK LAB

naruto said...

Cat:我運氣其實唔係時時好架

新鮮人:都唔係第一次都仲劣先慘(因為得一個人影,壓力大左)

black lab:我知,所以而家準備自己,開始操囉。。。
(兼個地區係好熱架我先敢接咋)

ayclui said...

大叔: 塞翁失馬, 焉知非福.
我好信一切事係有個天安排嘅, 順其自然呀~

Ebenezer said...

個明星係邊個先?

naruto said...

Ayclui:明嘅

Eben:唔講得架

S said...

機會留給有準備的人,你可照去跑步練氣喎!

the inner space said...

做義工好
福有攸歸
積福在天
留返後用

新鮮人 said...

明白的,
一次生兩次熟,
下次無有怕啦。

Related Posts Plugin for WordPress, Blogger...