Wednesday, April 10, 2013

三月中獎名單

三月呢,中左四套戲飛呀,yeah~ 睇戲睇到好忙呀! 

銹與骨。。。我啱睇,80分
轟天復仇。。。商業片,我比70分,我發覺影評大彈果D戲我都啱覺得OK架喎,真係唔好鬼信影評,佢地剩係讚D悶蛋戲;但係,呢套戲一開場打個字幕係。。。轟天“報”仇,想點呀?
衝浪傳奇。。。好好睇呀,仲拍得好靚㖭呀,我比85分呀
挑情殺局。。。一個字,挑,35分
迷離藥謊。。。麻麻地,頭半粒鐘好悶。。。50啦


白宮淪陷。。。有朋友抽到但唔睇,咁我就勉為其難睇左佢啦;我比80分,緊張呀

market place game贏左一盒椰奶
晴報game贏左惠康$50禮卷
Kiehl's game贏左一套試用裝
維特健寧game贏左一包寧心,寄埋上門,讚
澳門威尼斯人game。。。我又犯老毛病,見facebook威尼斯人有game玩,仲係一個人都未參加,未睇獎品(以為係酒店之類)就即襟,第一個參加,結果真係win,但獎品係“中國好聲音”入場卷,完全無興趣囉,仲要自費過澳門㖭,兼14號晚嘅演唱會,14號先寄飛嚟話中獎,鬼會去咩  

最後,今個月攝影獎落空呀,嗚~
但原來輸唔哂喎,360有獎中喎,原來最快參加300名都有360來回飛一張,兩個人中左4張,呵呵
(我中期先參加都有喎,但即係唔關影得好唔好事,只係鬥快參加)
 

十一個獎,good
但四月預測無咁多啦,呢期爆job,無得“專心”玩啦

7 意見:

卡臣 said...

爆JOB呀! 恭喜呀

l.minor said...

我仍然係乜都抽唔到,攝影獎又泡哂湯...

Ebenezer said...

你嘅職業係抽獎?

TY said...

臣臣: 我都要'的'起心肝學下大叔抽下奬先~~~~

chiseenjai said...

你係抽獎達人.....

當然要有好既攝影技術啦!

haha

naruto said...

卡臣:靜左兩個月,呢個月爆返lu

l.minor:攝影呀真係輸到信心都甩

Ebenezer:副業,hehe

TY:的啦

chiseenjai:吓?上文唔接下理嘅?

Anonymous said...

達仔全名是 柯達 kodah 由幾棧鬼喎!

Related Posts Plugin for WordPress, Blogger...