Thursday, May 31, 2012

一路好走

今日接到朋友電話,見佢吞吞吐吐,第一個反應問:Clara有事呀?



點知真係開口中;我朋友Clara噚日走左;事前無通知朋友,唔知乜野原因走左。。。

識左20年,當年係我好同事嘅女友,佢同男友住天水圍,我地係鄰居;後來,佢地分手,我地反而多左一齊食飯。。。

後來我上廣州工作,最後果年,佢每個月都上嚟搵我食晏,再唔細心都會諗:做乜定期會上嚟呢?直接問佢,得出結果係原來佢有第四期癌症,全身有三個地方都有癌細胞,佢上嚟係睇醫生,因為佢本身讀中醫,有個廣州教授幫佢覆診;佢同香港醫生合作,中西合壁,仲加埋氣功,最後竟然可以成功康復。

我記得佢講過,佢地四兄妹,因為其他三個先後出事,所以醫生叫埋佢check,點知真係有事,係遺傳;

佢家姐同阿哥用西醫治療,最後都係唔得;佢決定行另一條路,中西合壁做白老鼠,因為佢話:我有兩個姪,就算醫唔好都可以比多D數據佢地參考,結果,佢成功左,肝個腫瘤由五蚊銀縮到變細過一毛。。。距離而家都多過五年啦

康復後,佢中醫亦畢業,佢決定轉行,掛牌做中醫,我好多朋友都有去幫趁,因為佢除左醫病,仲用針灸幫人減肥,一話減到肥,即刻成堆舊同事去幫趁,但佢只做女賓

有成一年多無見佢,我又係唔細心,以前過年過節佢總會打嚟傾閒計,今年無,我竟然無發覺。。。

當年,個個朋友話佢似梅艷芳,真係一語成讖。。。

Clara,您喺我心目中係一個非常硬淨嘅強人,希望您一路好走,有緣嘅下世見

今日做唔到野走去睇展覽,見到呢句,入晒肉。。。

係陶淵明嘅詩。。盛年不重來, 一日難再晨; 及時當勉勵, 歲月不待人

Wednesday, May 30, 2012

通識題。。。電梯常識

一日,去左中間道個公園影相,佢喺平台,要搭電梯先落番到去;

咁,電梯上方會有個著燈提示,話你知佢去到邊層,通常係簡寫啦,ground會變做G,podium deck會變到乜呢?


提示:我覺得呢篇可以放入千奇百趣系列囉


































既然一開始就比人估中,開埋估啦

原來係一架粗口電梯

Tuesday, May 29, 2012

五枝旗桿見

以前約人,好興講“五枝旗桿見”,而家,精嘅都約喺商場入面啦,有冷氣又唔使日曬雨淋;其實以前都有星光行海港城,做乜要約喺五枝旗桿呢又?

最重要嘅係。。。唔通唔驚中鴿屎?


五枝旗桿附近超多鴿,記得自己去旅行,日本同巴黎都見到廣場好多鴿,都會追佢地影下相,覺得好好玩,先似旅行咁


但番到香港,地方窄車又多,聽聞呢樹都車死唔少鴿架,另外真係好多鴿屎,行過都驚中招


一隻鷹飛過,幾十隻鴿通天飛走佬,真係幾壯觀架


睇下我影左乜?

瑜珈


撞機


飛鴿


禿鴿等巴士


其實佢地喺五枝旗桿度等乜呢?

Monday, May 28, 2012

快樂指數

個個週末都陰天落雨,我心見中嘅理想夏天遲遲都唔肯嚟~

呢個月一星期做六或七日,連放假果日都無得影相,減唔到壓,頻臨抑鬱啦~

今日(星期日),見個天無雨,決定去尖咀,因為我抽到免費拉麵呀,點知,1:30pm都未開門,打電話去問又無人聽喎,我又嬲到標X啦~

去K11行個圈,諗住邊行邊等佢開門;K11將商場形像同藝術掛鈎,其實好值得鼓勵,設計上亦行得好舒服,但可能真係比其他場格調行高左,人流真係偏少~

但係我今日就行得好開心,突然間好似好多新思維,好似個人入左油咁,唔使驚會死火;咁就快樂左D啦~


呢張,係今日最鍾意嘅~


另外,原來有遊戲玩,行勻商場八個地點,儲齊貼紙,就有紀念品一份喎


睇完展覽已經三個,橫掂得閒,行哂佢,得到。。。。曲奇兩件:)

仲有,現場LIKE佢地個Facebook又送磁石貼:):)

呵呵呵,又再快樂D啦:)


行出商場門口,見到個外藉女傭(直覺覺得係女傭),非常開心擺舖屎影相


跟住喺中港城,又見到另外幾個,笑聲拆天,玩到癲咁影相


我今日唔係想話佢地嘈,喺多角度思維下諗,點解佢地會咁high架呢?佢地打工應該都好辛苦,離鄉別井,香港D僱主又難服侍,但一放假,見到朋友,同鄉就即刻開心番哂,佢地嘅快樂指數相信比好多香港人都高;呢樣野要學,呢樣係我今日嘅得著~

Sunday, May 27, 2012

廣州行﹣廢噏篇2

工作其間,無聊又發作,扮下大頭仔(唔係隔離台個大頭,呢個靚仔好多)


咦,最爆嘅係做乜兩腳之間多左隻腳架?

Saturday, May 26, 2012

廣州行﹣廢噏篇1

呢個咪係陳豪個魔術箱,好驚呀,驚到手震呀


第一眼睇,心諗:棺材都做展,仲要全層?


各地文化唔同,我都知佢地地底一層叫負一,但(-2)咁寫真係第一次見


香港D週刊成日比人話作野,我個人覺得仲叫有個譜,睇下廣州呢本。。。

劉德華係暴力老豆,苗僑偉因為林峰遲到等到生瘡都寫得出,呵呵呵~其實點解廣州D八卦雜誌都係港星嘅?唔講D冰冰嘅?


隔離台有個後生仔叫阿亨,上左大陸做野,以為佢做乜,原來係奴;唉!真係搵食艱難,佢可以寫番個劇本。。。“北京為奴的日子”

Friday, May 25, 2012

廣州行

上廣州幫個客展覽set場,搭呢個疑似hello kitty號,出發


真係有D大鄉里,香港有個會展,廣州有成個區做展覽,大過香港X倍,經過時見到真係大到哇左一聲

呢個係其中一個會場咋~


到我地展覽個館啦,客人話呢個只係細展,睇門口唔錯喎,但入到去,原來遠睇就靚靚,入,面牆又甩油,廁所有渠味,最攞命係。。。人

準備落車,已經見到呢個掛工作人員牌嘅姐姐踎喺度,到我地落車,佢走埋嚟講講講,但真唔好意思,我無喺廣州好耐,D國語嘅聽力已經得番啲啲架咋,但原來佢講廣東話,死囉,廣東話都唔識聽㖭;之後陸續有人走埋嚟講野,真係聽唔明喎,直至第四個左右,先知佢地係話可以幫手搬野(當然要比錢啦),我D野都唔重,唔使啦~



到我地個攤位,又有另外幾個阿姐輪住走埋嚟,佢地好叻架喎,會問你使唔使加大個招牌,加枱加櫃,甚至話幫個櫃配色。(哇!咁專業嘅,撈埋我果瓣喎)


但最驚嘅都係佢地嘅安全意識,佢地會用扶手電梯搬貨,巨型木雕啦,展覽架啦,我驚過你囉,你跣手後面D真係仆街啦

好似呢位姐姐,佢地真係咁搬野架喎,都好好力吓喎,佢見佢真係二樓搬上三樓喎(呢件叫輕架啦,其他D嚇死人)


set到一半遇到少少阻滯,停工其間食左個現場嘅飯盒,總係形住乾唔乾淨,係咪地溝油之類,食左半個就放棄啦~

咦!大型玻璃打爛聲喎,追去睇(hehe),原來有人D玻璃層架跌左落嚟,壓爛哂成層嘅玻璃貨呀,但佢地又好野喎,無人尖叫(香港少少事都有人嗌:嚇C我啦。。。之類),無人鬧,例如:(你點做野架,少少野都做成咁),又或者無人喺堆爛貨面前舉個V影相放上微博;幾個人只係靜靜掃玻璃碎


離開時見到呢座建築物,好奇特,香港係無可能,非常嘥地方,但真係幾型(遠睇,近睇唔敢講,入去可能都係甩油果隻)


夜晚,客人請食飯,好靚嘅飯店,怕羞,無影相,淨係影左呢舊鎮店之寶。。。黑叉燒
好肥但好好味,但可能太油,第二日我痾左四次,係晏晝果餐定夜晚果餐呢?


客人賣茶,當然有好茶飲啦,呢隻“昆侖雪菊”,作香,滑,純,顏色仲帶橙,係今日嘅亮點呀


聽日繼續,正經完聽日梗係講衰野啦

Thursday, May 24, 2012

小明上完廣州

散左;

睇住一張相先,佢唔係晴空塔...

Wednesday, May 23, 2012

外國影星遊星光大道的反應

Ethan Hawke見到乜野嗌驚?


佢見到呢個景象


吳宇森做乜頭痛?


呢個墟好嘈


魔戒仔見到乜眼都突埋?


哇!


蜘蛛女就最慘,比人輪,先嚟兩母子


個男人叫佢擺舖屎,佢又識擺喎


你又見到乜都驚青?


麥兜入左豬欄,好肉酸


羅拔狄尼路做乜想番屋企?


聽下女星點講。。。原來嘈到頂唔順


最後,皇牌出場。。。

北野武都喊驚,會係乜呢?


左:兩個艷女登場
右:見到雕塑,急步行埋去


諗都唔諗就踩上去;(我又真係無諗過踩得架喎,又的確無話唔掂得,但踩上去我會驚驚地囉)


比個super model pose先(請注意,條披肩掉左落地)


完~

Tuesday, May 22, 2012

二次創作

18日係博覽館日,星期六,日,全港博覽館。。。免費

星期六,因為要去尖咀做少少野,就去睇展覽啦;又適逢係”法國五月“,太空館對出擺左幾件雕塑,仲有名攝影師相展,一於拎藝術作品做主角,影下“二次創作”先


好,開始。。。

一個走入困境嘅都市。。。真架,我覺得香港而家真係死緊架


生存空間。。。越 。嚟。 越。 窄


寸金尺土。。。格仔舖,劏房已經變香港嘅特色


盒。。。無論係政治,創意,思想,都比個無形嘅玻璃罩罩到實


銅牆。。。以為罩住你嘅玻璃,發覺慢慢已經變左銅牆


巨人。。。做乜都要睇上面頭


跨。。。跨過去?


自由。。。香港勝在資訊發達,言論自由,係我地唯一值得自豪嘅地方


我支持二次創作

預告:聽日繼續,但聽日係輕鬆版
Related Posts Plugin for WordPress, Blogger...