Saturday, December 8, 2012

醫院病人的故事﹣1

阿媽住院期間,差不多每日都會去探佢,見到好多病人,每個人都有佢地嘅故事,又真係每個都好“特別”。。。 

隔離床嘅女仔,本來日本讀書,腦生瘤,日本做左一次開腦手術,返嚟香港又要做多次,由四月住到而家; 

初期見佢好辛苦,膊頭好痛,痛到自己加止痛藥,比醫生鬧;後期同阿媽熟哂,互相鼓勵,佢最鍾意食,知道有機會聖誕前出院,已經卜哂聖誕連續幾日嘅餐廳酒店茶樓,食好野係佢康復嘅目標,見到佢咁積極兼康復,我都好開心;

從佢身上學到,喺乜野環境下都要樂觀,幾難捱前面都有開心嘅事等住你

 ﹣﹣﹣﹣﹣﹣﹣﹣﹣﹣﹣﹣﹣﹣﹣
另一個,我未見過,佢其實住隔離房,但阿媽同其他院友對佢就非常多怨言 

阿婆嚟架啦,近80,講上海話搭國語,話佢做物理治療果陣,係咁鬧人

食早飯,四人一張枱,佢食完,將隻污糟碗放個隔離我阿媽佢地張枱,其中一個女人細細聲講:咁都得?換來佢連環話佢地麻煩,計較。。。。

姑娘護士物理治療師照鬧。。。 

咁,究竟佢乜事送入院呢?原來就係成日鬧人,有日比人打斷佢隻腳 

又學到野啦,呢個世界唔係你惡哂架,當遇到過更惡嘅時候,你真係會埋單架

 ﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

5 意見:

新鮮人 said...

多嘴鬧人俾人打斷隻仲唔收下把口,
哩d真係正牌 "死淨把口",
無得救架啦,
由佢"死"啦!!

哈哈哈。。。

卡臣 said...

探病學做人,好似以前聽歌學英文

l.minor said...

醫院裡真係好多唔同故事呀~

我見過d病人係病房friend完,跟住出院之後約gathering

Unknown said...

你喺第二個病人身上學得唔夠精,其實最高嘅道行應該係「呢個世界唔係你惡晒架,一係就唔好惡,如果唔係就要做最惡」。

L L said...

醫院真係睇到好多嘢!

Related Posts Plugin for WordPress, Blogger...