Friday, November 23, 2012

講下阿媽。。。

阿媽由10月30日出事到而家已經廿多日

頭五日喺瑪麗,之後一路都入住麥理浩,雖然腳唔掂得地,但都開始左做復康療程

約十日前,拆左石羔,見佢腳眼左右兩邊各有一條六七寸長刀痕,都真係好長嘅傷口呀  
呢個星期,除左每日煮個晏晝麵/湯比佢食之外(點都好食過醫院嘅),仲要開始處理出院後家居嘅安排真係又多又碎,同老豆傾就越傾越亂,真係心都煩哂

今日下晝,終於同物理治療師傾掂浴室扶手,浴室椅(方便沖涼),租借輪椅(聽日有結果),未來幾個月往返醫院與屋企嘅復康小巴(填左form,等消息)等

準備阿媽星期尾或下星期出院;咁就進入下一個階段啦
﹣﹣﹣﹣﹣﹣﹣﹣﹣﹣﹣﹣

其實我都算幾幸運,之前忙到瞓都唔夠,呢個月相對較清閒,可以用多D時間探多阿媽幾次


預告:見到同房D婆婆,幾個都係喺街跌親,點都要做D野;第一次接觸區議員,搵佢幫手睇睇“案發現場”有無可以改善嘅地方,結果係點呢?

15 意見:

Cat said...

多瑣碎野做係煩少少架啦,咪發忟憎啦大叔。

希望區議員幫到手啦。

因為我都有打算同區議員傾傾。

Anonymous said...

乖仔, 祝伯有早日康復:)

江湖散人

largeheadboy said...

你好有心呀,真係去搵區議員,如果你下屆選我一定投你一票呀!

l.minor said...

區議員聽完你嘅提問同訴求,覺得無咩幫到佢,佢就開始耍你?

哈哈,可能未必咁衰嘅!

naruto said...

Cat:脾氣的確差過以前

散人:多謝

大頭:人越大越多野睇唔順眼,能力範圍做到就做啦
我選乜呢?港男?

l.minor:er...都係唔講住

韻味熊貓 said...

行動不便會影響情緒,你要忍一下,因你阿媽有時自己也控制不了的。

韻味熊貓 said...

還有,留意一下你自己,關顧者好易有抑鬱的。

supageti said...

依家街頭好多陷阱, 除左金屬片, 仲有頭面砌磚, 好容易突然間凹凸不平, 好容易 cake 親 ~~

naruto said...

佛爺:
你講得啱呀,阿媽仲精神過喺屋企,我就越嚟越謝

粉:
我自己都小心左

Phil Chan said...

October, right? Not November.

韻味熊貓 said...

65%關顧者患上抑鬱症的,你不要掉以輕心。

卡臣 said...

剷除路上突出物!

naruto said...

Phil:係喎,打錯哂㖭

佛爺:比d信心我啦:)

卡臣:有咁易就好lu

DeepC said...

10月對不? 上面寫左未來日. (this msg can be del)

naruto said...

DeepC:
改番啦,thanks:)

Related Posts Plugin for WordPress, Blogger...