Tuesday, September 11, 2012

床底寶箱之史前 徐小鳳全新歌集錄音帶

 
我諗大家都係,搬屋呀裝修呀,又或者移民都會的起心乾掉緊D舊野,我記得我一次搬屋,掉左一鞋嘅錄音帶,當時覺得無機咯,仲要嚟做乜呢,於是只係留返最有紀念價值唔捨得掉嘅入落另一個鞋盒。。。 又另一次,我去左加拿大,我老豆勁鍾意掉野,趁我唔喺度掉我D雜誌,同埋果箱錄音帶,我番嚟知道左想暈。。。 而家我手上得番呢盒錄音帶,係徐小鳳全新歌集,無掉到嘅原因係,因為佢外表唔似係錄音帶,逃過一刧 個名都真係超hea,全新歌集喎,乜之前隻隻都撈D舊歌架唔通? 個盒打開係咁嘅
 入面有盒帶仲有歌詞書一本
 都真係lasagna(濶面)得好交關,而家反而好似無咁闊喎
 呢隻係82年出品,你地見過未呢?記唔記得有乜野歌?

13 意見:

卡臣 said...

有無「無奈」呀?

新鮮人 said...

漫漫長路買包萬寶露,
返屋企慢慢煲。。。。

largeheadboy said...

嗰陣時已經玩包裝架喇~

Fun said...

闊條麵係fettuccine呀~

Anonymous said...

星星問, 隨想曲 .....

I bought this for my Dad using my pocket money...Has it been 30 years already?

Anonymous said...

星星飛過,似是似是你那顆,
不必嗟嘆,失戀怎會沒經過

l.minor said...

唔識,估唔到~

但當年你鍾意佢....!?

best actor said...

當年這位皇母級的歌手從新力過檔康藝成音﹐一洗本土歌手平民親切的形像﹐開始披上比宮廷服束還要光芒璀璨﹑鑽飾生輝的華麗舞衣 (當中有一張玉照仍保留宮筆侍女的小鳳仙裝﹐然而雍容意態不減宮廷服)。Full-size 的相冊﹐濃妝盛服﹐混音製作水準超班﹐赫然是唱片公司傾本之作。這張專輯走紅的作品﹐到現在仍教人津津樂道。《星星問》改編自大塚博堂的《Never Could Say Good-bye》﹐由鄭國江老師填詞。雖然詞曲都甚具當年港式流行曲套路﹐然而簡單老套的旋律歌詞背後﹐不失真摯動人的情感。到了這個年代﹐仍然有不少人於午夜夢迴時在心裡默默反覆作出如此的星問﹐可見 plus ça change﹐ plus c'est la meme chose。《愛和夢》改編自岸田智史的《比壑季節風》﹐和葉德嫻的《愛情味道》產生了罕有的兩生花。徐的唱腔比較演歌和「正氣」﹐葉的版本比較騷靈及「憂怨」﹐個人比較喜歡後者﹐純屬感覺。《隨想曲》是當年雷厲風行的冠軍單曲﹐也牽起了歌手各自擁有「超然物外﹐睇通睇透」壓箱作品的熱潮﹐多年不退。甚至SL都有一首「再見悲哀」﹐不能免俗。鄭老師的一句﹕「渴望是心中富有﹐名和利不刻意追求」﹐確是可以作為座佑銘鞭策自省﹐只是要做到「無慾無求」則要進窺天人境界﹐標準未免定得過高。《破曉時份》雖然是原創作品﹐感覺一樣「演歌」﹐「長夜中﹐閉不上疲累眼」之句刺透力驚人﹐整首歌滄桑感如潮湧起。《少年人》改編自中島みゆき的《あわせ鏡》﹐初聽時還是童年﹐不覺得歌詞的「循循善誘」老氣橫揪。放諸現在社會﹐這類近乎說教的歌曲﹐可能已沒有任何商業價值。只是細味一下﹐老生常談的道理﹐仍長青不息。《三分七分》改編自Freddie Aguilar 的《Anak》﹐意謂孩子。徐曾在演唱會中邀得原唱人自彈自唱﹐演譯菲律賓語Tagalo 的原版。這首作品曾被廣泛改編﹐包括了倫伯的《孩兒》﹐葉璦菱國語版的《你的影子》﹐江蕙閩南語的《愛著啊》﹐杉田二郎日語版的《息子》……豈止三文兩語。以前寫過一篇網誌提及徐版的《星光的背影》﹐和「後來」的《不變的伴侶》同屬我的PT摯愛之一。

Ebenezer said...

嘩!樓上嘅 reply 好 pro 呀!讚!

ayclui said...

樓上嘅 reply 好 pro 呀!X 2
小鳳姐好丫, 我細個無錢買呢d 貴o野~

TY said...

勁呀!! 我媽鍾意羅文同甄妮,無小鳳姐,所以未聽過~~~

naruto said...

卡臣:無喎

新鮮人:都無喎

largeheadboy:係呀

Fun:係咩,咁lasagna係乜?

但係yahoo字典咁寫喎。。lasagna
1.(義大利式)滷汁麵條
2.闊麵條

Anonymous:
係呀,足三十年呀

l.minor:
無鍾意過喎

best actor:
你夠開一篇blog啦呢段,勁呀

Ebenezer:堅勁

ayclui:我都唔知點解我有喎

TY:
我都無印象,其實



路過多口 said...

lasagna係千層麵呀,google images有相睇㗎。
其實lasagna仲寬過fettuccine

Related Posts Plugin for WordPress, Blogger...