Saturday, August 4, 2012

夏季日劇

每季都會睇一兩日劇,春季睇左幾套頭一集全部無追,夏季開左鑼,睇下呢季我睇乜?

揀邊套,除左卡士,戲種,通常都會上網睇下佢地喺本土嘅收視嚟選擇,今季第一套揀中嘅係佢。。。

東野圭吾懸疑故事。。。推理題材加上強勁卡士,以為無走雞,第一集嘅演員係唐沢寿明加田中麗奈,睇左半集,悶到C左,byebye~


跟住睇“無法呼吸的夏天”。。。。武井咲、江口洋介、木村佳乃,卡士ok啦諗住,點知睇左一集,又係悶C,又bye


天空的診療所。。。向井理,呢個當紮,就睇你啦;
故事犯駁,睇左都唔明做乜要喺山頂整間診所,我會比喻為如果發生喺香港,鳳凰山頂整間診所?有事call直升機啦吓哇!
女主角唔吸引兼黑人憎,但睇左三集,向生幾好睇,總算合格,會繼續睇


GTO。。。又拍?仲要係從頭拍起,男主角我唔識佢,上網睇原來係exile嘅隊員,唔怪得之咁“鴨”,節奏明快,娛樂性豐富,難怪高收視,但我呢個漫畫大叔,熟讀劇情,變得無驚喜呀

睇左一集,未必再睇


遺留搜查2。。。無線播過第一輯,OK嘅,雖然D演員唔多識;
第二輯睇左兩集,兩集劇本都唔錯,係我今季首選
值得一提嘅係,今集多左個女上司,戴個假髮,攪到怪怪咁,但又好似好熟面口,上網查,原來係斉藤由貴,已經變左嬸嬸呀~


因為深夜食堂影響,見呢套“走馬燈株式會社”都係深夜先做,而收視得2%,咁少嘅,睇下乜料;
半個鐘一集,第一集無個演員識,但條橋好勁(又係漫畫改篇),半驚嚇半懸疑,睇到有D打冷震;但可能太低收視,網上只係搵到一集咋


當然,仲要睇VS vs arashi啦 :)

8 意見:

卡臣 said...

日劇好睇過香港啲膠劇啦多多聲!

TY said...

東野圭吾果套都真係睇到我瞓著.....

其他反而無睇...似乎 走馬灯株式会社.. 幾吸引喎...

大叔, 你唔睇奧運?!

naruto said...

卡臣:
係架,唔同水準架

TY:
奧運,今年都叫睇多左啦;
有睇體操,排球啦,同埋黃一梅跳水,呀,唔係,吳敏霞至啱

supageti said...

東野圭吾懸疑故事 ~ 每一集獨立故事, 第一集唔好睇唔代表其他都唔好睇 ~~

naruto said...

粉:
咁個導演講故事技巧差嘛,收視係咁瀉喎

the inner space said...

總好睇過誇張的馬明同唔chok峰,橫衝澤蔥加煙,law霸law友,呀!

naruto said...

the inner space:
我有睇law霸law友,hehe:)

Kenneth6433 said...

你可以試下裝一個叫風行的軟件
我剛剛search過有走馬燈株式會社第二集呀

Related Posts Plugin for WordPress, Blogger...