Friday, February 3, 2012

天際一百。。。小插曲

即將離開時,聽到一個師奶發出類似慘叫唬哭的聲音

沿方向望去,見到一個電哂髮嘅長髮師奶話(好大聲):嗚~,原來你拎左,我以為唔見左呀~嗚~~(嗌到拆天果隻)

望向佢講野嘅方向,一個疑似佢老公嘅物體揸住一部相機,而佢自己就摷緊袋;佢老公一臉惘然無出聲。。。

我排緊隊搭lift時,佢繼續嗌,你嚇死我呀你嚇死我呀,我以為唔見左呀,嗚~

入lift後,隔離嘅女生都講呢個師奶,成為大家嘅餘慶話題啦

﹣﹣﹣﹣﹣﹣﹣﹣﹣﹣﹣﹣﹣
自己唔看緊,唔見可以怪邊個,比人偷野就通知職員,報警;喺度大吵大鬧做哂大戲都於事無補架啦,下哇~大家只會當睇戲囉!

14 意見:

卡臣 said...

可能相機內藏有慾照呢

naruto said...

卡臣:
佢嘅慾照?咪玩啦。。。

睇到真係。。。你嚇死我呀你嚇死我呀

l.minor said...

唔見相機我(另一半)都試過一次,重要係飛機,都幾唔開心架!好彩有買保險

不過大聲叫就真係無補於事嘅!

Cat said...

一個疑似佢老公嘅物體揸住一部相機,而佢自己就摷緊袋------>
佢老公都揸住部機,佢重摷果袋?

largeheadboy said...

如果佢唔見咗個老公會唔會都嗌得咁大聲?

Ebenezer said...

好明顯,個師奶睇到你lam哂脷之後,偷影咗你好多相.....。

TY said...

借Ebenezer..."好明顯,個師奶睇到你lam哂脷之後,偷影咗你好多相....."

我續.... "再見到老公拎住部機仲驚... 因為唔想俾佢老公知哇麻.. 係咪先?!"

naruto said...

l.minor:
當然我知道唔見野會唔開心,但發癲鬧人係無意思架

Cat:
係喎,佢隻手仲交緊戲摷緊喎

大頭:
唔會囉,呵呵

Ebenezer:此師奶不同彼師奶,天際100嘅師奶何止100個

TY:
續乜鬼,唔係同一個人呀

the inner space said...

遺失相機事小,
失記憶卡事大,
裡面舊玉肉照,
一旦上網流傳,
哈哈哈哈哈哈!

the inner space said...

遺失相機事小,
失記憶卡事大,
裡面舊玉肉照,
一旦上網流傳,
哈哈哈哈哈哈!

naruto said...

the inner space:
舊玉肉照抄落機啦,仲放喺咭通街走?

the inner space said...

未抄得切嘛哈哈哈哈,所以師奶咪鬼殺咁嘈囉,而且,抄咗delete咗又點,一旦失咗張卡,有IT知識的,是可以翻生出來架!

maymay said...

都唔知果個疑似老公點忍得佢嘅~@@

naruto said...

The inner space:
好驚喎

美美:
我都想知

Related Posts Plugin for WordPress, Blogger...