Wednesday, November 23, 2011

泥涌放鳶人。欠公德的人

星期一晚東張西望做專訪,話泥涌有班放鳶人。。。


受訪者話佢地呢種係一種競賽,其實即係𠝹鳶,每人每日會放近百隻,盡快𠝹斷對方就分勝負。。。又話會盡量唔會污染環境,搵人執番斷左線嘅鳶云云,鏡頭仲專登影住一個人執緊紙鳶㖭~


實情係點呢,睇相。。。真係滿天紙鳶架~


沿路入去已經見到附近D樹掛滿紙鳶,附近仲係私人屋苑同老人院,D老人家仲係坐輪椅


行出石灘影相,地下全係紙鳶線,唔小心真係比佢“click"低,樹上面,電線杆變哂樹掛;破壞環境,至少可以告佢地亂掉垃圾啦,又唔見警察做野喎


放風箏本來係一種有益嘅活動,但無啦啦攪破壞變成𠝹鳶,就變成擾民嘅活動,呢D破壞環境嘅活動我覺得應該禁止呀~

預告:聽日,會介紹泥涌美麗嘅一面

14 意見:

largeheadboy said...

唉,香港缺德的人實在太多~

Ebenezer said...

對!佢地實在太乞人憎!!

best actor said...

自私。

TY said...

完全唔理解仲乜要咁"界刂"鳶... 咁樣放紙鳶好玩D架咩?!
其實好驚D人放紙鳶,因為好易禍及途人....

naruto said...

大頭:
自私人總有多多藉口,覺得自己無錯

Ebenezer:
真係。。。妖

best actor:
香港仔都有一班架

naruto said...

TY:
咪就係無聊囉,妖~

S said...

上次我同朋友帶啲細路去大蚴門又係有班咁嘅人,星期日 family day,個個旨在同啲細路玩下,但果班呀叔講到明見一隻界一隻,直情係以界斷人地隻鳶為樂,正一心理變態!話時話,唔知係咪同一班人呢.

新鮮人 said...

對,
啲玻璃線有玻璃粉,
好易界傷人,
啲玻璃粉入咗傷口都幾大鑊,
係好禁止!

naruto said...

SKII:
缺德人應該唔止一班

新鮮人:
電視訪問時,佢地話而家D線無玻璃粉,摸上手唔會界傷喎,但可以切開烚熟雞蛋喎

ayclui said...

嘩, 好驚喎, d 線好難睇到o架嘛...
呢班人心態有問題.

l.minor said...

泥涌一向都有紙鳶墳場嘅稱號

不過估唔到而家d人都重咁樣玩法

naruto said...

ayclui:
當正果處係佢地私家沙灘

l.minor:
仲好多人玩㖭喎

新鮮人 said...

車。。。。
哩班自私鬼,
邊會理人丫,
咁"利"條線,
無玻璃粉都畀傷人啦,
又搞到週圍爛風箏,
離舖啦,
要拉人呀。

naruto said...

新鮮人:
搵民賤聯係咪會受理呢?

Related Posts Plugin for WordPress, Blogger...