好,繼續講”黑仔“;有D位好奇怪,我記得當佢睇完第一次醫生之後疑似又出事時,我同佢講:喂,我無錢成日帶你睇醫生架,你亂食野你死梗,你想唔想跟我番屋企吖。。。呢一刻,佢竟然咬我,雖然無損,但都痛果隻囉,佢從來無咬過我,我理解為佢唔想跟我番屋企囉;但宜家諗番,可能其實佢係答“好”囉
又,再玄D嘅一個緣;呢本係我09年嘅隨身記事簿,點解會買呢本野,係因為我有個舊同事兼好友叫“noro”,呢隻貓又叫noro,所以諗住送比佢,結果約到4月都見唔到佢,於是自己用左;睇下封面隻貓,仲唔係黑仔,緣份早種呀;
既然養得佢,聽過幾個朋友意見,唔好黑仔黑仔咁叫喎,改個名啦,英文就叫noro啦:)
中文又如何呢?
家姐話唔想黑黑聲就叫相反喎:”白白“
又因為佢已經識聽黑仔呢個名,想改個差唔多嘅,朋友建議:”小黑“
佢成隻豹咁,我又想改做:“豹仔”
佢曬到咁黑,不如叫:“古仔”啦
又因為佢成日屙,佢一屙完我嗌佢:“屎男“,佢識望住我喎
嚟我屋企頭幾日成日放屁,我又嗌佢:“屁男”
如果用英文noro諧音,咁可以叫:”裸露“喎
餵貓阿姐幫街貓改名係攞隻貓D特徵,例如隻貓捲埋條尾就叫捲尾,條尾郁就叫郁尾。。。咁黑仔條腸塞係咪應該叫:“塞腸”呢?
而餵貓阿姐以前一向嗌佢:“烏卒卒”
你地話呢?比D意見啦:)
27 意見:
你係小雲,佢就叫小吉(小黑)啦。:P
叫明仔或者小明啦~
小白
唔好叫白白呀,我有隻貓已經叫左喇!
求其提議下先...叫仔仔la
叫"柯淨"喇~
坷乾坷淨,無晒事~
好嘢~
>v<
叫個"響音"啲,
佢可能會易聽到啲!
叫柏里歐(Berlioz)
係富貴貓入面黑色個隻神氣仔:)
by the way謝謝你的愛心喇:)
如果叫「小吉」,可以考慮埋「吉仔」喎,個音似「黑仔」,可能佢會快D慣呢
係咪一定要改名?唔改得唔得?
既然係緣,我覺得佢一直俾人叫做「黑仔」都係一種緣。
如果覺得個名唔老黎,都唔緊要,因為個名未必有關係。我識得有個叫阿高嘅真人好矮,有個叫阿秀嘅後來好肥,仲有好多......
仲有,我睇過一d講寵物嘅書,話最好唔好幫寵物另改新名,因為佢哋聽慣咗個舊名。
叫:小白
唔叫小黑, 叫小克囉, 希望佢可以克苦耐勞, 克服困難...。:)
叫吉仔, 好聽又老o黎~
我以前隻貓都會玩玩下就咬我, 不過唔會損, 淨係有四個窿仔咁囉, 唔會太痛~
朋友都有隻黑貓,叫 Cola。
你都可以朝呢方向去諗,叫齋啡或者廿四 (味) 都 OK 喎!
樓上邪氏的"柯淨" / Lazy的"仔仔" 呢2個真係笑咗, 好有趣。
不過, 個人比較喜歡Kenneth的「吉仔」及星若的「小克」, 取其諧音, 黑仔會容易聽得明。
我家gogo前主人取其名goh goh, 我都係改佢少少, 變成而家咁。
我都成日被佢咬, 但唔會損的, 只係痛, 佢發脾氣或者玩到癲就會咁。
我都覺得'小克'/'克仔'好D, 而家你叫佢'黑仔'佢識應你, 好過要你同佢都重新適應呀!
btw, noro 真係好似'克'仔呀...
to all:
我暫時對叫番黑(克)仔/小克/小白/吉仔都有興趣,另外ayclui提議嘅(柯)達仔都幾好,諗諗先
或者試下嗌佢邊個名比反應我先
馬田亨:
你隻叫白白,我隻就唔叫得架啦?
black lab:
你講得都啱
Karvitz:
廿四味,果隊野我憎架喎;叫炭燒㗎啡,佢好似炭咁黑,O唔OK?
瘋膏:
佢噚日又咬我呀,我鬧鬼佢,罰佢無消夜食
TY:
直頭餅印
叫"柯騰"啦~呢個名呢期紅呀!
l.minor:
要露股上鏡架喎,唔知佢肯唔肯呢
a. 黑柴
b. 柯gake
叫"小黑"就可以成日唱 [小黑與我]
一於叫你日常鍾意做嘅事,[柯士]。
Leo哥哥啲名好"正"呀~
Tee哥哥改得好"掂"~
毎人十個"like"呀~
唔該~
XD
Leo:
係咪玩野呀?
Tee:
佢屙好多,跟我姓啱架啦
邪留丸~:
番去餵魚啦你
T^T
naruto:
認真架我!
邪留丸:
多謝!
翻睇下你囝囝啲相,幅幅都頭顱加些適當傾斜度,可以考慮叫:
c. best actor
全稱:
柯 c best actor!
Leo:
唉~
Post a Comment