Saturday, July 31, 2010

罷買罷用

西隧年年加價,今次仲一加五雞;人地想好生意只會減價競爭,佢地就成日話賺唔夠又加,都唔知乜腦嚟架!其實佢如果減到紅隧價,車流同收入就多一陪啦。。。

以前住天水圍,一過海巴士就要廿幾蚊,叫入面D人點出嚟打工吖;打埋到比左佢啦!

嬲呀,起佢底;背後大股東係三間公司

港通控股有限公司 http://www.crossharbour.com.hk
中信泰富有限公司 http://www.citicpacific.com
嘉里建設有限公司 http://www.kerryprops.com

港通經營。。。


中信泰富有限公司。。。


嘉里建設有限公司。。。


原來背後無乜野可以罷,唔怪得有恃無恐;一於叫人唔好鬼幫趁駕駛學院,主力除左唔用西隧同大老隧,強攻罷買大昌呀!

講真架!大家齊心唔好幫趁呀!

Friday, July 30, 2010

妹妹,唔好咁啦。。。

乖啦!唔好“乃”叔叔手指啦!

Thursday, July 29, 2010

花輪同學長大了。。。

睇卡通時,好似叮噹小新呀咁,總有一集係講佢地大個左會變左乜野樣,做緊乜野職業。。。


下晝去飲下午茶,電視播緊我一向唔睇嘅亞視,做緊財經;有個專家上嚟分析;咦!佢咪係花輪同學,oh,baaaaaby~管家「英叔」見你事業有成,一定好感動呀,加油!


補番張小學時期的花輪

Wednesday, July 28, 2010

MoMo Cafe

三星期食左兩次,我呢期嘅推介呀


位於西營盤萬怡酒店二樓,星期一至五LUNCH至有架;環境唔錯架,服務仲真係一流㖭!沙律自助餐$78,有埋飲品架啦


附設麵包生果同中西餐湯,唔驚會唔飽呀


菜同配料選擇多過百種,大量靚菜,仲有少量凍肉任你揀


當日有報紙嚟影相採訪,經理話比個超大碗客人自己撈,先至撈得勻,係佢地嘅特式


隔離仲有粉麵自助餐,加$20就可以食埋,芝麻麵配豬骨湯底。。。正


另外,加$20亦可選擇甜品自助餐,選擇唔多,主打係自己刨冰,我真係食唔落


快獸誠意推介;有無人一至五得閒去食lunch?


後記:為配合食完勁多沙律後嘅效果,第二朝早XX時嘅心情,特別送上林憶蓮嘅“你是我的男人”;點解揀呢隻?留意頭兩句歌詞

Tuesday, July 27, 2010

長洲遊

再講一次,今日內容帶驚嚇,搵定家長陪同至好睇到尾。。。

星期六,去長洲;讀書時住過一個暑假,之後亦嚟過好多次,以為自己對長洲好熟。。。


平時多數會去觀音灣食下野行下條小長城行上山頂,今次無目的咁行;
沿途係咁影,先嚟張360度長洲景先(可click大)


一路行一路影去左張保仔洞方向,未到張保仔前,見到下面個景幾靚,而路牌指示下面叫鯆魚灣同五行石。。。
沿住樓梯落,竟然要穿過小石洞


行過石洞,係一條窄嘅石巷,好好feel;唉吔,撞頭!


出左嚟,別有洞天,兩旁種滿仙人掌


沿途係無遮擋靚靚海景


影左張今日至愛之一(左),隻蜂顏色好靚;當時仲覺得自己越嚟越大膽,因為我用嘅係20鏡,即係其實跟本同隻蜂差幾寸。。。


越行越遠,經過鯆魚灣同五行石;唔對路,太曬兼帶唔夠水,行極無盡頭,流汗流到背心索唔哂,滴到褲都濕埋


決定番轉頭;又影到另一張鍾意嘅相(左),其實係個生滿青苔嘅水氹,但水草呼出氧氣,好得意


一路都注意有好多蜘蛛網,但見唔到蜘蛛;突然我左邊有隻蜘蛛出現,計埋腳長大過我手掌,我嚇到嗌左出嚟;但照影。。。幾驚佢咬我呀;咁鬼彩色,應該好毒;呢隻應該係我見過最大嘅野生蜘蛛


行番近市區,呢張都唔錯。。。


呢張都幾好


最後,用張靚貓相舒緩下不安嘅氣氛

Monday, July 26, 2010

做乜攪成咁?

出發前好地地


玩完番嚟。。。


做乜攪成咁?


預告:聽日內容有恐佈內容,敬請家長陪同觀看

Sunday, July 25, 2010

中環/西環?

又係問答遊戲時間

呢度係中環


行行下變左西環



呢度係邊度呢?

Saturday, July 24, 2010

copy cat

最近傅穎出寫真,搵嚟日本攝影師米原康正合作,大師特式係咁嘅。。。


我又學下先,搵邊個影好呢,就佢地啦

先影阿仔


再影阿妹


阿妹激過一眾𡃁模,佢玩脫毛


阿仔都唔執輸,玩伸脷


最後一人有一張靚相




Friday, July 23, 2010

幾日都忙,無時間寫blog,之前兩日其實已經係存貨;今晚,存貨用哂。。。

今晚偷左少少時間上去探阿仔同阿妹,因為貓主又準備去旅行,我上去先打個招呼,驚佢地唔認得我呀

今日就放阿妹新鮮熱辣靚樣頂住先

Thursday, July 22, 2010

童年陰影

自細就鍾意睇電視睇卡通,極度沉迷三一萬能俠,黃金俠,大鐵人。。。


早前提過,細路仔時老豆興一年半載去一次太白海鮮舫食飯,而每次搭車經過華富邨隔離嘅呢兩座發電塔,小則dup低頭打冷震,大則喊到拆天;原因其實係覺得佢似機械人,尤其係似三一萬能俠


而家睇番件事,知道自己細細個諗野條curve都已經係亂嚟,唔怪得讀唔到書啦;唉!

Wednesday, July 21, 2010

沙田萬佛寺

香港其實有好多特別地方值得一遊,好似呢度。。。


我第二次嚟,我諗如果係遊客嚟到呢度,都會嚇一嚇,兩旁放滿佛像,係咪有一萬個就唔知,但真係唔少囉!


上到去,最搶眼係個紅塔配藍天


因為裝修緊,所以有部份佛像比布包住


走嘅時候,見到條蛇喺佛像腳下,識得嚟萬佛寺,係一條有慧根嘅青蛇


呢度你去過未?


後記:
喺香港,成日都聽人講話無乜地方去,剩係得商場,其實都唔係吖,呢幾年逐個景點影下相,發現其實好多地方都值得去喎,決定將之前去過嘅加埋呢篇group落主題“香港遊”。

Tuesday, July 20, 2010

曼氏兄妹

廢。。。
台灣影嘅,曼波,唔係孟波喎;背景係巴黎,你估呢個係乜野嘅門口?


呢個仲廢。。。
有日行過荔枝角,見到豪宅“曼克頓山 Manhattan Hill”,隔離有個商場,個名竟然係。。。。“曼坊”
會唔會搵人過嚟做代言呢?


Monday, July 19, 2010

相集。。。”相遇“

日日影相,影埋一大堆,紀錄低當時諗緊乜;group埋呢一堆叫。。。”相遇“

1/紅色係現伇,綠色係退役;
綠色日日望住紅色係咁做,自己就掟埋一邊投閒置散,唔知咩心情呢?


2/世界咁多人,喺條街相遇嘅機會有幾大?有緣做到家人,朋友又有幾大?其實只係想老土講句:要珍惜呀!朋友~


3/我諗印刷嘅時候,左右門神可能會各印幾百張甚至幾千張,到最後貼埋同一對門廝守終生,其實都係一段盲*婚*啞*嫁!


後話:寫blog真係艱難呀!噚日篇比人話唔明,爛,呃blog。。。
喺blog留言又有,msn都有,見面嘅都出聲。。。

唉!即刻將原定今晚果篇抽起,換呢篇“正常”野,無投訴啦啩!



啦!睇完呢篇,係咪覺得我其實好感性呢?
Related Posts Plugin for WordPress, Blogger...