Friday, April 16, 2010

大家樂vs大快活

兩間快餐店,個樣差唔多,個名差唔多,食物都差唔多,地點呢,通常有A附近就會有間B

我理想嘅早餐係太陽蛋+腸仔+多士+腿通(火腿要切絲)+一杯靚嘅凍檸茶;呢個combo新釗記做得最好,但我呢頭又無新釗記,附近茶餐廳唔係火腿唔切絲,麵包唔轉得多士,就係腿通無啦啦阿茂整餅加左飽魚絲;結果早餐我反而揀大家樂或大快活。。。


大快活呢,太陽蛋就真係一流,但個腿通難食到唔知點形容,話佢腥咩,又唔似魚湯,陣味係噏味;但食辣肉醬麵又無左陣味架喎!仲有就係飲凍綠茶唔駛加錢,總算攞番D分;另外,晚餐嘅咖喱腩同焗豬都好味過大家樂,打邊爐就唔得,主要又係魚湯,攪到間舖好腥


大家樂呢,早餐樣樣都係一般咋,勝在平均啦,但係入左會,食夠5餐有coupon,都係吸引點嚟嘅;晚飯呢,個打邊爐就係真好啱我啦,有剩牛,又有牛加豬,正呀!燒臘亦都好味過大快活


仲有一個奇怪現象係大家樂出現多D嘅,就係早餐時段已經變左師奶雜散地,佢地凑完個仔,孫,老公返公返學後就會聚埋一齊

睇下睇下,左面一堆


右面又一堆


後面又一堆


佢地好勤力,坐足幾個鐘,日日如事,邊有咁多野傾架呢?

仲有呀,佢地醒呀,嗌個早餐加通粉攞多杯水,兩個人分,嘆冷氣講是非坐足幾個鐘再攞滾水沖奶比B女;學柴九話齋,原來佢地唔係一味慳,今日又賺左$12.3


越講越興奮,離哂題;其實想問大家呢兩間去邊間多D?(唔好答我翠華美心太興呀下)

26 意見:

卡臣 said...

我去大快活多啲

maymay said...

太興

Ogake said...

可能班C奶見到你都係咁諗呢......

我早餐係麥包一片加一杯咖啡~~係office食~

Jerk said...

快活! 其實而家講環境講食物質素佢都唔比定樂差.
不過講股票的話, 我依然係支持家樂的!

Tee said...

E...叔立C奶群
邊間近去邊間,兩間一樣近,就家樂。
我都鍾意左飲涷綠茶,但係多冰時覺得唔抵,少冰時覺得太甜 -.-

cwLoretta said...

not sure why but I've always prefer 大家樂. It think it's the brand.

largeheadboy said...

翠華得呀!
今朝啱啱食咗個大家樂魚柳炒蛋早餐,好滿足有時會同同事去大家樂食晏,兩個飯三個人share~

邪留丸~ said...

大家樂呀~
但最愛都係太興囉~
XD

naruto said...

卡臣:
寫埋呢句我都去食早餐

maymay:
日本太興?

Ogake:
班C奶鬼咁忘我,鬼會留意我

麥包一片。。。有一片買架咩?買一包食一片呀?

Tee:
係㗎,其實都多阿叔,但多數單打,唔會有一班架喎

Jerk:
快活都無上市

cwLoretta:
有陣時係慣性嘅

largeheadboy:
你都同人share?你個樣似一個人食兩個餐喎

邪留丸~:
太興我呢頭都無

Ogake said...

我買一包, 係食四日架!

supageti said...

我一個星期有六日晌一百分食早餐,食慣左 lu ~~ 大埔以前得一間大快活,最近先開多一間 ~~

supageti said...

以前工作既機構係兩間「大」既供應商,同事話老闆其實係兩兄弟,不過分左家喎 ~~

瑤姑 said...

大家樂!!!
杯奶茶好過大快活好多,又香又濃又有茶味,大快活似洗碗水

ayclui said...

To 樓上:同意, 大家樂杯奶茶同鴛鴦都好過大快活幾條街. 不過食物就差唔多...

naruto said...

ogake:
第四日咪硬哂囉,真係老麥啦

supageti:
兩兄弟知左好耐啦,仲係不和,分哂家果隻吖嘛

瑤姑:
洗碗水咩野味架?你飲過呀?

ayclui:
我飲親都係凍檸茶或綠茶,唔知原來咖啡奶茶原來輸哂

Artman said...

大快活有上市架...依家$8.xx架.

唔係腿絲唔食? 你真係食得夠尖...

naruto said...

Artman:
上左市架?我真係唔知喎

你唔係話我呢間都寫咩,呵呵(我會著手寫麥記架)

black lab said...

你呢篇係咪用嚟引我留言架?^.^

大家樂杯奶茶真係...人間極品!
有時想轉吓口味去大快活,但係真係唔啱口味,杯奶茶固然似洗碗水(上面有人咁講),其他嘢食都硬係怪怪咁。
不過,有一期大快活推出「犬」肉意粉,好得!

Ellen老師 said...

我屋企樓下有太興喎!

Artman said...

你呢篇睇得出係誠意之作, 所以俾個讚你.
寫老麥好呀.

Tat said...

大家樂咁多年黎都維持水準,無乜好講。

大快活開始時都係羅家(維他奶)家族的人開,後尾好似賣咗盤,N年前的大家樂用的汔水係維他汔水。

大決活改革後,真係好食咗,都係去多咗。亦都係佢帶起咖啡係用磨咖啡,同行先跟。但碟頭越嚟越細。

美心改革後,碟頭超細。我去美心食飯,真係要加飯先掂,最好笑有一次叫個白汁意粉,拎碟野時問櫃台的人要加多少,個職員好攪笑,話只可以加白飯!!!

black lab said...

喔~ 上面唔記得講。
你影呢幾張C奶相,簡單得嚟又見心思喎,攞嘅鏡頭都好似有設計過咁,好得!

ayclui said...

講多兩句: 美心真係唔掂, logo 刺眼, 食物唔得. 太興呢, 搶錢o架, 個通粉早餐要$24, 下午茶餐成$40, 貴過食晏...

naruto said...

black lab:
引你留言。。。你咪講到自己咁巴閉

好,下次飲下奶茶先。。。呃多篇

「犬」肉意粉?即係乜?

C奶多的是。。。坐喺度,舉機就影,無難度

Ellen老師:
太興真係貴架,我鍾意佢個餐蛋麵,塊餐肉有𡁻頭

Artman:
誠意?呵呵

ayclui:
呢篇做乜個個都留兩次嘅?咁受歡迎咩?美心直頭唔諗啦對,越做越屎,太興我都覺得貴架

Ellen老師 said...

未食咁多餐肉呀!又話超標喎!

kateyip said...

大叔又知 d c9 坐幾粒鐘既 ? 唔通大叔都坐左幾粒鐘 ?? @_@

Related Posts Plugin for WordPress, Blogger...