Thursday, April 22, 2010

號外呀﹣﹣﹣發哥南丫島植樹

今日睇蘋果。。。如果真係種哂櫻花就好啦,但香港天氣得咩?




周潤發一向重視環保和綠化環境,昨日大清早他專程返南丫島植樹,發哥說:「我哋南丫島村民最近同政府傾緊,睇吓可唔可以起一個公園係由榕樹灣伸展到索罟灣,咁喺公園兩旁就種啲樹嚟綠化環境,今日我哋就試種咗風鈴樹同櫻花,睇吓出年邊隻花開得靚啲,咁以後咪清一色種晒呢種樹,咁呢個公園就會好靚。」
若政府支持興建計劃,發哥相信可以吸引更多遊客,他說:「如果到時二、三百棵櫻花樹或風鈴樹盛開,咁到時個公園會好靚,市民唔使專登飛去日本睇花,嚟南丫島已經有得睇,有咗呢個特色,以後香港又可以多一個旅遊景點,有需要嘅話,我仲可以捐樹出嚟。」

9 意見:

kateyip said...

香港 d 櫻花都死得七七八八啦~
種唔種到架 !?!?!

largeheadboy said...

其實如果香港都好似人地把會開花嘅植物種埋一齊,春天一齊開花的風光一定好靚~
早排屋企附近啲羊紫荊開得好靚,可惜得三兩棵咁

naruto said...

kateyip:
希望得啦

largeheadboy:
洋紫荊多葉唔靚,羊碲甲有白有粉紅,細朵D,有D開花時仲無葉,靚好多

supageti said...

我都認為有關當局應該種多啲開花既樹,又靚又醒神,其實有啲品種既櫻花香港應該種到,不過可能種植地點要嚴選同埋要好畀心機打理 ~~

卡臣 said...

樱花樹下...

naruto said...

supageti:
種同一種樹會靚D,一齊開花嘛,香港種樹一向都蜜麻麻,又亂jojo

卡臣:
唔係估歌名喎

black lab said...

長洲都有一棵櫻花樹,有冇去睇過?

不過,長洲呢棵又好,南丫島嗰棵又好,我估同日本嘅櫻花唔會係同種,所以種出嚟個樣可能有D分別。

naruto said...

black lab:
冇睇過長洲果棵,好懷疑香港夠凍種櫻花

kateyip said...

3月尾去過長洲有5~6棵, 我去時已經榭左好多, 只淨低好少, 櫻花都有幾十種架, 香港呢 d 同日本果 d 唔同種...

Related Posts Plugin for WordPress, Blogger...