Thursday, April 22, 2010

包~包~包~包~

包~添記

呢間專登去架,睇完肥丁推介,我又最愛食法包,一於試下;間舖真係好唔就腳,幾難搵,又真係好細間,得三個位,行慢D都無位坐,其實個包本身好普通,但係即刻焗熱,熱同脆嘅法包真係加好多分,饀用左燻蹄係最特別嘅賣點,我比佢80呀!

睇食評,梗係過隔離啦,可以見到原來已經加左價


包~包~永樂園

呢間喺中環咁出名,嚟過啦啩,包用疑似嘉頓麵包,賣點係個沙律醬,落左芥辣;我比70分!



包~包~包~Threesixty
圓坊嘅foodcourt,麵粉其實佢最靚,但樣樣踭D踭D,個醬蓋過條腸,酸瓜太多水攪到個包入面糊左,我都係比50分咋!


包~包~包~包~丹麥

行街經過,見佢堆左幾個人,間舖又舊到要保育咁,前面兩個女警著住軍裝都幫趁,我又肚餓,即買;但普通過普通喎,條腸仲要係凍肉舖都買到嘅包裝雞肉腸,得40分咋!



我會繼續去搵靚包包架!

10 意見:

阿ta said...

又係豬..........

Alan So said...

麵包唔係我摯愛....所以無乜評假!!! 但係永樂園我就日日幫襯,近公司嗎!!! 佢地啲熱狗真係好賣得㗎,有時真係好想整番隻!!不過依家日日晏晝都係咖哩雜菜飯,由好食食到無感覺....無計....怕膽固醇高, 早餐麥片午餐咖哩雜菜飯已經係指定動作,已經食咗成年啦!餘生睇怕都係咁上下!!!

largeheadboy said...

添記個法包熱辣辣又脆卜卜,唔小心會界損咀~
丹麥餅店係食感情,之前去附近打波一定買一隻熱狗頂肚先。

naruto said...

阿ta:
咁下次一舖過寫豬~豬~豬~豬~啦

Alan So:
你膽固醇高呀?咖喱有椰奶,唔高咩?

largeheadboy:
丹麥餅店D人悔悔氣氣,人地唔同你講感情囉

maymay said...

我最鍾意食包,中學時早餐食兩個菠蘿包,放學食兩隻熱狗做下午茶,諗起都開心。

依家淨係鍾意食citysuper嘅包。

naruto said...

maymay:
即係little mermaid?法包正到爆

supageti said...

啱啱出黎做野果時晌爛鬼坊(果時梗未有依樹啦)側邊條街仔有間越南法式三文治超正,撐斜路上去索晒氣都值得 ~~~

black lab said...

我見到法蓉呀!...陳法蓉!?

naruto said...

supageti:
連你都肯撐斜路上去食,勁呀!樂

black lab:
你爛嘅級別已經拋離,我認輸

kateyip said...

大叔, 下次寫埋响邊區食呀~ 我都好中意食包包架 !

Related Posts Plugin for WordPress, Blogger...