Sunday, May 31, 2009

情牽女人心演唱會

週末晚去左睇情牽女人心演唱會,為左陳潔儀,斥巨資睇$480呀!


五個女人輪流唱,陳潔儀打頭陣,唱左四首歌就到下一位,開頭都担心其餘歌手D歌會唔識,但竟然連潘越雲嘅都識喎!



唱得最好嘅係辛曉培,把聲靚到起哂雞皮,但件衫都令我起雞皮;其餘咁多個D造型都好有台灣嘅特式,娘到吖!


每個歌手都要講下感想,又要有純音樂間下場,原本熱烘烘嘅氣氛,一下子打沉,減左呢D環節,每人就可以唱多首啦!

演唱會後同酒鬼,奧班馬,仲有阿Betty劈酒(其實只係飲左一杯),玩到兩點,散場!


都唔知幾多年無試過玩到無地鐵。。。

Saturday, May 30, 2009

噪音

約一年前開始屋企日日都聽到小孩大嗌同阿媽超大聲鬧仔等嘅噪音,每次維持唔耐,朝8至晚11都會隔一個鐘就一定出現一次。。。

一路唔知聲音從邊個單位發出,直到一次個阿媽又鬧仔,獅吼話要殺左個細路我先至出手落樓下護衛提出。。。

護衛後來講,原來呢家人正正住喺我樓下,而佢個細路頭腦有D問題,咁我當時都問:咁佢阿媽呢?佢仲大聲喎!

政府廣告話:"有樣學樣,一家人嘛",呢次又真係無講錯,佢地一家四口,連個未識護野嘅BB喊都可以大聲到你瞓著佢都喊醒你

每個長假期都可以有幾日寧靜,我成日估佢地應該返左鄉下囉!

今日,突然覺得已經靜左好多日,落樓時順便問護衛,護衛話佢17號搬走左啦,佢話原來樓下幾個單位都投訴佢,遠至35樓都投訴(佢32樓),佢搬左好多人包括佢都鬆哂!

我問:夜間護衛曾話我知個細路有D問題,其實係邊隻問題?佢好認真話:佢兩個細路有係嗰隻(指指個頭),但係佢覺得成家都有問題!

佢搬左,靜哂;不過我都就搬。。。

Friday, May 29, 2009

新屋動工

11:00am,到灣仔買油?點解灣仔買,有得溝色呀!standard color個色版揀唔到我想要嘅灰色,所以神咁早就出動。

12:00noon,約左屋企去左西營盤嘅好彩食做節午飯,跟住到西環正式開工;

2:30pm,朋友到,今日先油白色部份,兩粒半鐘油左一間房;進度唔錯,決定暫停;

5:00pm,附近有實惠,行左一個圈,原來都唔係咁差,張床可能幫趁佢;

6:00pm,始終體力勞動,肚餓,提早食飯,好好味,搵到間好野,下次介紹;

7:00pm,無野做,決定去中環IFC睇一吓有無飛睇戲,答案係無;

8:00pm,到銅鑼灣franc franc睇書枱,貴就貴D,不過真係幾鍾意;

9:00pm,銅鑼灣LCX人影都無,有牌子做一折,陰公豬;

9:10pm,朋友突然話想搵茶餐廳睇電視;吓,咁激,睇柴九?我實贊成格!行左兩條街,都無一間有電視。。。突然有一間大嘅有電視,竟然睇亞視,難怪得一枱客;

9:35pm,終於有一間車仔麵店有電視,嗌左煎爙五寶,燒賣,加杯野飲,坐左一粒鐘,間舖越嚟越多人,真巴閉;今日嘅重頭戲。。。師帥咸濕四奶奶都唔到肉嘅,剩係呢段都可以拍一集啦。四奶奶幫必正個仔改名,唔駛諗啦,叫必C啦!

10:30pm,番歸寫左呢篇blog。

Thursday, May 28, 2009

裝修﹣1

連日嚟都係度尺同睇傢俬,準備六月搬屋

新屋比舊屋建築面積少左70尺,但實際雖然已經少了一間房,但其他面積都好似細左好多

最明顯係主人房,基本上位置無得郁,床上面條橫樑一定會壓頂,阿爸想我將床移位,但一移,櫃門會比床頂實,除非衣櫃過隔離房。


書房雖細,但都放到一張枱加一個衣櫃或雜物櫃


廳最見駛,幾件主要傢俱都睇啱,應該可以落實


聽日開始油牆,自己嚟加朋友幫手,有D緊張,驚失手呀!

*多謝朋友仗義幫手,完工後請你食餐勁嘅!

Wednesday, May 27, 2009

減肥廣告2

真係乜人都可以拍減肥廣告,睇下以下米施洛嘅例子。。。


詳請


上面個model真係好成功呀!直頭可以去選港男啦!


但係,如果再好似星期一晚咁狂食,好快會係咁。。。

Tuesday, May 26, 2009

減肥廣告

搭一程巴士,Roadshow竟然有六個唔同品牌嘅減肥廣告,除左呢架超重地鐵,仲有食藥嘅,有bikini body, 有跳餐死嘅,搵兩個轆轆瘦你條腰嘅,又有天使面嘅瘦身食療。。。但係點解香港仲係咁多月巴氏嘅?


ps:中間個肥妹上過好多次減肥節目同廣告,但咁多年都仲係咁米芝蓮,仲要係五星

Monday, May 25, 2009

多謝哂


“訂閱“人數累積至今已經有十七人,一半見過,其餘有D都知係邊個,但有幾個完全陌生,未留過言,仲有外國人就真係有D匪夷所思;

每次見到“訂閱“人數增加一人,都會開心到跳part開心舞;

寫野有人睇喎!幾咁才子呀真係;

我雖然唱歌走音,但係仲識畫吓野,寫吓blog,幾傅穎呀,幾爆呀!

Saturday, May 23, 2009

我的眼鏡

你地會點處置你D舊眼鏡?


執野先知,原來我總共有八副眼鏡,足足佔左半個櫃桶,仲會戴嘅其實只有三副。。。

Friday, May 22, 2009

收樓

交易完成,終於收左樓啦!幅牆D油其實好新,但係竟然係我討厭嘅米/淡黃色,應該都要油油佢,唔知要幾錢呢?

快獸鍾唔鍾意你個新居呀?


舊居住C單位,新居又係C單位,真係與C有緣!

Thursday, May 21, 2009

訪客

同學兼鄰居因屋企要噴殺蟲水,將四隻小動物放嚟我度寄居兩小時;期間我地出去食飯,圖中上面嗰隻竟然識得自己開門出嚟玩,咁啱我又覺得屋企可能焗行番轉頭,一開門佢企喺張枱度望實我,我嚇到O咀,明明已經搵本書壓住個蓋,另外個出口佢主人又貼咗膠紙,佢竟然夠力撞開D膠紙。

好彩番嚟,如果唔係無關窗比佢走左,我真係唔知點同阿鄰居老婆交待!


睇下,一放出嚟,就通屋跑,呢隻野一歲,有爭地盤打死細佬紀錄,真係好曵。

Wednesday, May 20, 2009

陳慧琳 Shiseido PN系列

上星期出左張Kelly Non-no封面,惹來一眾負面聲音,專登搵番佢97年幫Shiseido PN系列拍嘅catalogue出嚟睇睇,呢次靚好多;
順便一提,隔離嗰個係許太同中谷美紀






Tuesday, May 19, 2009

床底寶箱之史前postcard-2

啱啱睇完天使與魔鬼,幾好睇;自問唔係電影人,最低要求係套戲要有娛樂性,睇戲求開心,頂多咪睇埋D美指。。。

但我咁鍾意儲野,點會唔儲埋電影系列postcard吖,以下嘅戲,睇完覺得鍾意咁就買張postcard留個紀念啦!

1/好少戲會睇兩次,但有兩套真係入戲院睇左三次,一套係“天使追魂“,另一套係“太陽帝國“;連唔睇戰爭片嘅我都投降,史忽堡,你好野


2/似終覺得leon戀童癖,個女主角唔係Natalie Portman,你睇佢會唔會"蘇"佢


3/當然唔係睇阿湯告老師,Brat Pitt上位之作,一比,老師真係唔識做戲;


4/呢套唔係戲院睇,Robert De Niro都後生過,後生已經係演技派


5/捨不得你Up close & Personal,女主播從螢幕上見到男主角隻難鞋而知道男主角已死,但仍然要報新聞一幕,真係入哂腦;唔知邊個有呢隻碟等我煲多次呢?


6/剩係睇左藍,拍得靚,但又真係有D悶,同行眾人都唔肯陪我睇其餘兩部


7/唯一一套去藝術節睇嘅電影,同學極力推荐呢套啱我睇,話個主角“忽忽“地,似我喎!唔。。。又真係啱我睇喎!



睇到呢篇你地應該知道我唔係剩係睇笑片呀卡通架?



Monday, May 18, 2009

等價交換

為配合“鋼之鍊金術師“,屋苑舉辧兩個月一次嘅以物換物活動,上次換到兩條手巾仔,今次適逢即將搬屋,決定嚟個洗倉行動2009。。。
重災區主要係漫畫,雜誌,海報,catalogue, postcard,參考書,VCD,scanner, printer, 燒碟機。。。等等
落樓下同管理員借架車仔,一車車落去,點知中途反艇,又搬過兼阻街


最後結果係書有70kg,加埋D電器有32分;今次真係任揀啦,但我就嚟搬屋,油,豉油,柔順劑又重,最後揀左三樽洗手液同兩條手巾,響應政府。。。洗手洗手洗手洗手洗手洗手


Sunday, May 17, 2009

搬屋*被遺棄

執呀執呀!
新屋細左,放唔到咁多野,唯有掉得就掉,呢兩本最後都係比我掉左;

96年嘅金城武men's non-no+2000年嘅Kelly non-no,再見啦!

Saturday, May 16, 2009

爛歌

終於都播完呢套爛鬼遊戲節目;如果仲鬥緊爛歌,實拎佢出嚟鬥,唱得仲爛過傅穎,惡頂!機都想掟爛;妖,仲要加句:Dr.Rain,
真係嘔茄呀!

ps:我唔係傅穎fans

Friday, May 15, 2009

床底寶箱之史前postcard-1

因六月搬屋,近呢兩星期開始將書本,衣服,雜誌來個大清理,務求要減去1/3存貨,如果唔係,新屋邊有位

今日執到postcard類,一向有儲開,又近千張,真係痴線,清得就清,但總有D係我嘅至愛...

gap嘅廣告儲足幾年,最鍾意呢張童裝,衫同廣告一樣,簡簡單單,我都買唔少;但係嚟香港就仆直


因為移民,所以認識club monaco,加拿大無乜衫買,唔係gap就係佢;廣告攝影永遠黑白,水準甚高


CK one,呢張相影響深遠,由以前個個擺硬舖屎,突然懶自然扮傾計相;嗰一年通街通巷抄都離譜


MEXX,怕且你都真係XX啦


曾經因為呢張相,想去NY旅行,點知嗰年有同學喺NY遇賊匪,受槍傷,攪到而家都無興趣去


COMME CA DU MODE,咁多年都係呢個image,又係一個打唔入香港嘅例子,而家香港只有童裝


Sisley....輯相非洲影,靚;


但憶蓮嘅sandy'94竟然抄,呢舖低手左


都係Sisley,玩完非洲風玩日本熱,落重本熨金,型


最後呢張係小弟作品,當時做(口靚),上司走左佬,無筆直下自己走去公園影砌埋稿做埋presentation,就係咁老細就記得我啦!


呢堆postcard,你地有無印象?


Thursday, May 14, 2009

奇蹟早餐

係咪好靚呢?食早餐都食得開心D呀!


行街成日買埋D無聊野,最近買左呢件囉!。。。


設計好正呀!不過下次唔好用聖母,食落口有D罪過!

Wednesday, May 13, 2009

我家的紅棉樹

舊年五月曾經寫過我種左一堆種子,而家一週年,有D健康成長,有D已經瓜柴;今日先講紅棉

紅棉非常惹蟲,當佢兩三個月大,就逐棵受到蟲禍,終於死剩一棵,幾靚仔架!


另外,前年都種左一堆,又係剩番一棵,佢都比蟲蛀過,我將佢成棵有葉地方剪哂,幾個月後佢出番葉,但係明顯大得好慢,可能比下面嘅紅色三葉草搶肥吧


合照就知其實阿哥係高好多架


準備帶埋佢地過新屋啦!希望出年繼續寫佢地兩歲同三歲嘅故事啦!

想睇番佢之前個樣,襟呢道第一週

Tuesday, May 12, 2009

午睡


我呢幾日個blog無哂貨,點解?好忙咩,又未至於,工餘外仲見過大量blog友朋友,行街食飯打波打牌應有盡有;

咁點解無時間寫blog,就係因為瞓晏覺,日日一到四點就睡魔急call,瞓醒已經六點幾;唔好以為夜晚會瞓唔著喎,一瞓又七至九個鐘;瞓醒做下野,好快又四點,又瞓,起身又要買餸煮下飯,食完睇下電視又準備瞓。。。

今日好D,上晝效率高,交左份幾好嘅功課,而家九點幾,一邊準備睇下條巾幗鬚眉一邊scan埋D相,正!

Monday, May 11, 2009

爛相﹣3

乜而家D宜家displayer 咁有創意,比呢盞燈個designer見到,一定嘔血身亡

Sunday, May 10, 2009

爛相﹣2

真係好爛,狒狒的C忽爛了

Saturday, May 9, 2009

今日好舒服

約左X狗同邪XX沙田食LUNCH
食完去泳池游水加曬太陽,聽歌睇忽周,跟住瞓左,
瞓醒個太陽都走埋
夜晚約左X粉大尾篤食DINNER,飽哂
食飽又眼瞓,寫埋又瞓LU

開心背後其實大把野未做,聽日仲打牌,睇嚟都係週日先開工啦!

Friday, May 8, 2009

爛相﹣1

朱朋發現,我只負責影低同放上嚟!知唔知爛喺邊先?
Related Posts Plugin for WordPress, Blogger...