Friday, October 31, 2008

多謝邪留丸

開哂口叫同事,BLOG友,老友,豬朋同狗友幫手換小丸子,結果只得一個人啋吓我,就係素未謀面嘅邪留丸。
為隆重其事,今日同佢地影咗兩張寫真!

小丸子同爺爺,緊扣埋就會一齊唱歌跳舞啦!


好鍾意呢張,好似玩得好開心


我自己換咗最鍾意冷笑話嘅野口,好CUTE呀!


邪小姐,多謝哂呀!

Thursday, October 30, 2008

心水推介

兩個月睇咗兩套好戲,Ben Stiller 大戰 Adam Sandler


上個月睇咗卡啦蘇,由頭笑到尾,粗俗,賤格,咸濕,歧視全部落重藥,讚!
剩係一場游水追快艇我已比五分,加埋同阿婆吹髮劇情,10分滿分呀!

星期日懐住極期待心情睇電霆喪星,頭五分鐘perfect,點知一去到森林打仗,就出現冷場,但近尾聲又出現勁多“爆“位,Stiller同佢“仔仔“嘅一場戲係我最鍾意部份,個仔用刀插佢好感人呀!而Tom Cruise同matthew mcconaughey佔戲咁重亦係另一個加分因素

睇嚟今年嘅鳴門奧C卡最佳電影都係呢兩套之一啦!

Wednesday, October 29, 2008

幾何

返工,中途轉搭公司車,早到咗十分鐘,走去影咗呢堆相



認唔認得呢座建築物喺邊區?

Tuesday, October 28, 2008

賤物鬥窮人

天氣乾燥,皮膚痕呀痕,走去萬寧買枝潤膚露同潤D嘅沐浴露,竟然揾到萬寧自己出咗孖裝,$26.9有齊,正;
買埋五盒都係萬寧牌嘅紙巾,走去比錢,排哂隊,原來買滿$200護膚產品送$50現金卷,唔怪得排滿C拉;
到我比錢,諗住炸炸淋用八達通比錢,佢叫我等等,話買滿萬寧牌$30有九折喎!


係咪抵呢!

Monday, October 27, 2008

我的Y理

最近經常遇到近似嘅場面...

地點:有大量空位嘅巴士上層

個案一
一名女仕上車,上上層,企喺個樓梯口度揀位,望吓左望吓右望前又望後,企成十秒都作唔到決定...
要注意係,佢後面係仲有人上緊嚟嘅

個案二
一名中年男子一上上層,坐落一個位,唔夠一分鐘,口噏噏咁唔知嫌佢前面個人定後面個人啦,轉位;坐唔夠一分鐘,再轉;如事者轉咗三次...

我想講嘅係,連咁少嘅決定都咁難作出抉擇,遇到D大問題點算呀?唔怪得咁多人選擇逃避,甚至自殺

Sunday, October 26, 2008

廢UP-2

廢UP又嚟啦!
今次講嘅又係舊公司,不過今次係廣州。。。
跟我嘅其中一個女助理,樣貌標緻,皮膚黝黑,眼仔精靈,“當年"有幾分似朱茵,就係咁。。。比我叫足佢幾年朱DUMP都無得反抗,真慘情!

上個月返廣州約佢食飯,已為人妻兼人母,形象與型狀都大變身,新名變成"朱咪咪"

Saturday, October 25, 2008

多謝家姐

又有手信啦,今次到一年去六七次旅行,但每次都係去東京嘅家姐;今次好突破,去大阪喎,可能因為咁,有好多禮物呀!

1/我最鍾意嘅綠茶呀


2/佢話買咗C餅,原來係柿餅。。。好味


3/正想買隻錶,啱哂


其實仲有兩樣,比阿媽執野收埋咗,搵番先寫過

ps:下半年無旅行去,超暗淡

標籤


某屋苑唔比養狗,但用隻惡狗嚟做海報,有標簽化嫌疑喎!

Friday, October 24, 2008

海嘯。。。危機?

份工做咗三個月,"試用期"滿;呢牌遇著金融海嘯,老豆話我好彩,較啱時間搵到工。。。
呢一個星期,突然接到四個舊客問我仲做唔做FREELANCE,之前一路話唔做,但咁嘅環境下,真係搵得一蚊得一蚊,其實每次經濟衰退,做freelance嘅反而會多咗工作;見公司工作量高峰去到今個星期六後會停一停,終於接咗三份,推咗一份,接嘅全部係易Handle嘅,一兩晚可以攪掂嗰D;所以呢宜家準備開工啦,BYE

話時話,過咗"試用期"無人同我講加人工嘅?

夕陽

呢牌做野做到突哂,日日十二個鐘,未收工已經攰“奶奶“;見今日天色靚,出去花園抖番陣。
你睇,數碼港嘅日落係咪好靚呢,真係令人即刻充番電。


原來日落係好快架,呢堆連環圖,前後唔駛五分鐘。


Thursday, October 23, 2008

一齊玩吖

以前一有空就會上去打麻雀,打咗兩年先至上到200位,而家少玩咗,比人追過哂啦,如果你地都有興趣嘅,就上嚟會會我啦!

Wednesday, October 22, 2008

禮物

禮物一:
ogake日本遊嘅手信,本來有兩份架,無啦啦要同人share,唔抵呀!點解買比我?又話似我喎!


最後都食到一粒本來係我嘅禮物,抽到粒黑椒味。。。mmm,你慢慢食啦!



禮物二:
加拿大嘅同學寄來嘅錢幣,2010至會通用,呢批係記念版嚟架.


禮物三:
公司呢期都有贈品,每位同事都有一盒;漂白扒牙?好呀!


禮物四:
公司會計女同事去完青島旅行,送來花生一包,佢話大陸D野咩野都唔敢買,呢樣喺啤酒廠買,安全D喎!喂!一啖就食哂,唔夠喉喎,聽日再攞過先!



咁多位,多謝哂!下次都要買比我呀!

Tuesday, October 21, 2008

鳴門單車PK一day遊

平衡本來就係我弱項,單車我都係中學旅行先學識,即日學識以為好醒,落住雨都學人落斜,結果PK,損到血係咁流,睇住D血係咁染紅對𧙕,都咪話唔驚,班長即時除皮帶扎住我大脾止血,結果第二朝都係發炎流膿,睇醫生仲要請幾日假....單車從止變成童年陰影。

幾十年後...即係舊年,老狗約埋一班朋友踏單車,我踏恆油,都比人慢,仲攰到嘔,踏完仲有忽必烈FEEL

啱啱嘅星期日又去踏過,頭五分鐘都未適應啫,就比個粗心大意嘅單車司機扒頭唔響"安"之下碰手㬹,梗PK啦!手腳都擦損哂,不幸中之大幸係傷口唔深,亦無擦損塊面,你知啦,我靠個樣揾食家嘛!


因為速度係眾人之包尾(係架單車慢,唔係我慢),所以每次去到一個休息點,佢地己經又起行,所以無乜機會影相,只有這一張。。。乜cosplay cos 到嚟大埔呀?粉紅嗰件好好肉地喎!


回程時有風,流BT又無手抺,真狼背呀!

最後要多謝醫療服務站嘅人員,好細心呀!

Monday, October 20, 2008

為欣宜找個伴

台慶巨献...畢打自己人,無線為捧欣宜,除咗揾來一班我無乜興趣嘅前輩外,我覺得應該為佢揾個情人...
無線咁多人,揾邊個好呢?

Sunday, October 19, 2008

Artboard

今日無嘢寫,放張自拍照呃blog

Saturday, October 18, 2008

老豆的寶貝 - 續集

上星期仲講緊佢地共住一屋,今個星期就見到A生先比人打落冷宮,要住細缸。。。


原來B同C已經準備散春,後面個瓷樽係七彩神仙散春嘅道具,好緊張呀,快D生快D生,等叔叔錫錫!

Friday, October 17, 2008

新廣告

呢間美容院可以幫各位女仕由F級變A級,好突破呀!

Thursday, October 16, 2008

是日追加 ﹣39999


yeah!長長久久呀

神州簡報 - 勁過哈佬喂

繼毒奶後又一二三榮譽巨獻,今次真係核突,怕老鼠嘅即刻走,唔好再睇

先講單最輕"can"。。。(內 地 珍 珠 奶 茶 無 奶 無 茶) ,咁咪即係飲化學糖水,唉!



「 珍 珠 奶 茶 竟 然 一 點 奶 , 一 點 茶 的 成 份 也 沒 有 , 全 是 奶 精 調 兌 的 。 」 廣 州 街 頭 珍 珠 奶 茶 店 多 過 茶 舖 , 但 奶 茶 中 沒 有 奶 沒 有 茶 , 已 是 業 內 公 開 的 秘 密 。 據 知 情 者 透 露 , 泡 制 奶 茶 的奶 精 主 要 成 份 氫 化 植 物 油 , 是 一 種 反 式 脂 肪 酸 , 早 已 被 歐 美 國 家 立 法 限 制 。 消 費 者常 飲 用 易 患 心 血 管 疾 病 和 傷 肝 。

廣州 的 電 視 媒 體 昨 日 踢 爆 , 市 面 許 多 珍 珠 奶 茶 加 盟 店 使 用 1 公 斤 奶 精 , 調 配 100 杯 奶茶 , 可 謂 一 本 萬 利 。 當 地 記 者 曾 以 加 盟 商 名 義 , 致 有 關 連 鎖 公 司 , 獲 對 方 女 職 員 承認 , 珍 珠 奶 茶 就 是 用 奶 精 調 兌 的 , 不 需 要 用 牛 奶 。 「 用 牛 奶 的 話 , 成 本 太 貴 , 不 划算 。 」
據 悉 , 白 雲 區 和 天 河 區 岑 村 等 地 , 都 有 商 店 以 珍 珠 奶 茶 原 料 供 應 商 名義 , 批 發 奶 精 、 果 粉 、 茶 包 及 珍 珠 粒 等 原 料 , 所 有 原 料 加 起 來 , 每 杯 成 本 不 超 過 四毫 人 民 幣 。 如 果 奶 茶 真 的 用 牛 奶 來 調 配 的 話 , 即 使 按 最 低 要 求 2 : 1( 即 2 份 奶 配 1 份 水 的 比 例 ) 來 調 兌 的 話 , 成 本 要 高 出 幾 十 倍 。 在 廣 州 , 每 杯 四 毫 成 本 的 珍 珠 奶茶 , 售 價 3 至 6 元 不 等 。 由 於 珍 珠 奶 茶 市 場 龐 大 , 利 潤 可 觀 , 廣 州 許 多 珍 珠 奶 茶 店主 都 在 這 些 批 發 店 入 貨

﹣﹣﹣﹣﹣﹣﹣﹣﹣﹣﹣﹣﹣﹣﹣

甲 醛 銀 魚 襲 江 蘇
質 感 如 橡 膠   可 致 癌。。。。好彩唔食魚唧!



內 地 有 毒 食 品 越 揭 越 多 , 繼 發 現 多 個 省 市 的 奶 製 品 內 含 可 致 腎 結 石 的 三 聚 氰 胺 後 , 江 蘇 無 錫 、 蘇 州 等 地 最 近 也 接 連 發 現 甲 醛 超 標 的 銀 魚 , 質 感 猶 如 橡 膠 ; 此 外 , 從 大 陸 山 東 出 口 到 台 灣 台 中 的 冷 凍 章 魚 燒 , 亦 懷 疑 含 有 三 聚 氰 胺 。 蘇 州 則 出 現 用 硫 磺 熏 蒸 的 桂 花 。
無 錫 市 民 楊 先 生 近 日 發 現 , 其 所 購 銀 魚 炒 熟 後 韌 性 十 足 , 嚼 如 橡 膠 , 用 手 竟 難 以 扯 斷 , 外 表 可 清 晰 撥 出 一 層 皮 狀 物 , 疑 為 假 銀 魚 。 無 錫 市 農 林 局 漁 政 處 亦 發 現 , 這 類 「 橡 膠 銀 魚 」 已 在 蘇 州 、 無 錫 等 地 出 現 , 其 中 無 錫 新 區 長 江 綠 島 農 貿 市 場 所 售 太 湖 銀 魚 , 更 檢 測 出 大 量 甲 醛 成 份 。

----------------------------------------------------
老闆SEND嚟嘅E﹣MAIL,老鼠變乳鴿,D相同幾年前睇嘅唔同;要走即走啦,我用倒序圖,先睇製成品


死未!

Wednesday, October 15, 2008

時間:於工後約十點
地點:往天水圍巴士上層
人物:一“劇“肥野

去片


睇唔清楚?放大D


真係捽咗至少十分鐘,一定要早過佢落車,佢揸過D扶手你仲敢掂?

Tuesday, October 14, 2008

快獸個friend

星期日都開工,仲朝十晚九,謝哂;番屋企,喺樓下間麥記搵野食;
上次食“足三両“,第二朝出番四両,蝕哂,今次轉食開心樂園餐,有小丸子換呀,我揀咗花輪同學,好cute呀!將佢放喺公司,做野都開心D!



各位暖流版嘅讀者,我食唔到咁多,幫我換幾隻吖!

Monday, October 13, 2008

阿媽的寶貝﹣續集

除咗龜,阿媽仲鍾意種野,成個騎樓除咗係小靈龜個竇,仲係阿媽個後花園。。。


我個樣雖然唔似阿爸又唔似阿媽,但係養魚種野嘅嗜好就似到足

Sunday, October 12, 2008

金融海潚下的嗚門

睇個電話就知我幾咁窮困啦,仲褲都穿埋,有無暖流版讀者送個電話嚟呀?

Friday, October 10, 2008

miss you, john

阿媽的寶貝

除咗我仲有佢地。。。
老豆養魚,阿媽養龜。。。屋企曾經有隻龜養咗幾十年,最後竟然跳樓收場,當時傷心到唔識反應

睇返而家。。。小靈龜之前已出過場,最近佢愛上食生牛肉,仲好Q大食,應該係準備冬眠啦!


仲有呢隻,非常怕醜,見人就縮埋


阿媽有一大堆龜嘅擺設㖭!


最勁係佢,叔公以前係海員,送咗呢隻標本比阿公,阿公走咗之後,阿媽接收咗,住喺度幾十年啦!希望佢住得開心啦!

Thursday, October 9, 2008

老豆的寶貝

老豆鍾意養魚,屋企最高紀錄有七缸,雖然有兩缸係我嘅!
而家老家只有四缸,最寶貝係佢地。。。七彩神仙

左手邊係A先生,最先入伙
中間係B先生,次序上第二入伙,本來同A先生相處愉快。。。
自從右手邊C小姐加入,A先生走去恰人,而B先生因保護C小姐而經常追打A先生。。。
而家B同C快快樂樂,A就成日"lay"喺缸底,連個樣都謝埋,陰公。


B同C又真係幾登對

Wednesday, October 8, 2008

太陽伯伯罷工

無太陽,天氣仲轉涼,真係排X都乏力*


*X係"隊"

Monday, October 6, 2008

等價交換

隔個月就有環保組織嚟收舊紙/CD/舊衫等垃圾,仲有贈品比番你㖭,之前嚟幾次都夾唔啱時間,今次攞咗一大袋廢紙,一磅之下,竟然有10kg,見佢枱面有洗潔精呀,漂白水呀咁,仲諗緊可以換幾多枝呢;結果,只可以換卡通文具科,我揀咗條叮噹毛巾,好過無!

Sunday, October 5, 2008

。。。

下午從朋友口中接到你嘅消息,生命正在倒數,只有最後約十天。。。
我同你嘅認識始於十幾年前,你係出名嘅攝影師,之後咁多年合作咗數十次,令我嘅事業穩步向前。。。
你唔想朋友去探你,我明。。。
之前有病你都無出過聲,舊年尾你搵我合作多一次,竟然係最後一次;嗰次見你頭髮少咗,人瘦咗,都估到咩事,但你話已經好番。。。
兩個月前番新工,通知你,你仲叫我幫完呢間公司同你再拍擋。。。

下午聽到消息時仲可以冷靜,但今晚番天水圍屋企,見到合作嘅海報,CD,大量嘅catalogue,心絞痛。。。

聽日仲有大量工作,你叫我點瞓得著?

鳴門電影版。。。殺到埋身

海報入面已經係五年後嘅鳴門
佐助究竟是同伴定係敵人?電影版揭曉。。。但係,香港有無得上呢?




照片由ogake日本自助遊提供

Saturday, October 4, 2008

推介

爽過爽健涼鞋

Friday, October 3, 2008

國慶*聊齋

國慶同朋友無聊無野做走去粉嶺雲泉仙館食齋。。。超大碟


跟住去咗流水響,影吓相;睇下影咗乜?

*雲泉仙館 ﹣ 怪花


*雲泉仙館 ﹣ 天空


*壽星公


*流水響 ﹣座山坐監?


*禁果



*倒影一


*倒影二


*倒影三


*松子


*葉


*怪樹



另有正相三張

一)厠男?



二)防便秘?成箱包起吖


三)Levi's?


Related Posts Plugin for WordPress, Blogger...